Maharashtra Flood | शेतकऱ्यांना सरसकट मदत द्या; खा.संभाजीराजे छत्रपती

बालाजी सूरवसे, उस्मानाबाद | युध्द पातळीवर कॅबिनेटची बैठक घेऊन शेतकऱ्यांना सरसकट मदत द्या अशी मागणी खासदार संभाजीराजे छत्रपती यांनी आज उस्मानाबादेत केली आहे. संभाजीराजे छत्रपती हे आज उस्मानाबाद जिल्ह्यात अतिवृष्टीमुळे झालेल्या नुकसानीची पाहणी करण्यासाठी आले होते.

संभाजीराजे छत्रपती यांनी जिल्ह्यातील रामवाडी येथे त्यांनी भर पावसात शेतकऱ्यांच्या बांधावर जाऊन झालेल्या या नुकसानीची पाहणी करत शेतकऱ्यांना आधार दिला आहे. सोबतच उस्मानाबाद जिल्ह्यातील सारोळा,राजोरी, दाऊतपूर , इरला, काजळा येथील नुकसानीची पाहणी करत त्यांनी शेतकऱ्यांच्या व्यथा जाणून घेतल्या. यावेळी त्यांनी शेतकऱ्यांना सरसकट मदत द्या अशी मागणी आहे.