Monsoon Update | अकोल्यात नाल्याला पुर; नागरीकांचे हाल

महाराष्ट्रात मान्सूनला सुरुवात झाल्याने पहील्याच दिवसात सर्व नद्या-नाल्ये भरभरुन वाहु लागले. त्यामुळे नागरिकांची चांगलीच ताळांबळ उडाली. अकोल्यातही असेच काहीसे घडले. अकोल्यात मंगळवारी झालेल्या मुसळधार पावसाने न्यू तापडिया नगर येथील क्रांती चौक परिसरातील नाल्याला मोठा पूर आला. त्यामुळे नाल्याचा काही भाग वाहून गेल्याने दुसऱ्या बाजूस असलेले नागरिक यामध्ये फसले. सकाळी अग्निशामक दलाच्या जवानांनी दोरी बांधून रेस्क्यु केले.

नाल्याचा प्रवाह इतका प्रचंड होता की, आसपासच्या काही घरांमध्ये पाणी भरले. नाल्यांमध्ये जलकुंभी असल्यामुळे ते पाणी जायला वेळ लागला आणि नाल्याला मोठा पूर आला. रात्रभर फसलेल्या नागरिकांना सकाळी अग्निशामक दलाच्या जवानांनी व स्थानिकांनी सुखरूप बाहेर काढले. यामध्ये कोणतीही जीवितहानी झाली नसल्याचे स्थानिक प्रशासनाने स्पष्ट केले.