दौंडमध्ये राज्य राखीव पोलीस भरती प्रक्रियेत डमी उमेदवार

राज्य राखीव पोलीस दलात भरतीसाठी डमी उमेदवार पाठविल्याचा प्रकार दौंड मधील गट क्रमांक 7 मध्ये उघडकीस आला. कुसडगाव मधील राज्य राखीव पोलीस बल गट क्रमांक 19 ची पोलिस शिपाई पदाची भरती प्रक्रिया दौंड मधील राज्य राखीव पोलीस गट क्रमांक सातच्या मैदानावर लेखी परीक्षा उत्तीर्ण झालेल्या उमेदवारांची शारीरिक चाचणी सुरू होती.

मात्र भरती प्रक्रिये दरम्यान उमेदवारांचे कागदपत्र तपासत असताना औरंगाबाद जिल्ह्यातील वैजापूर याठिकाणी राहणाऱ्या प्रकाश त्रिभुवन या 27 वर्षीय उमेदवाराच्या जागेवर गजानन ठाकूर हा शारीरिक चाचणी देण्यात साठी डमी उमेदवार उभा केल्याचे कागदपत्रे पडताळणीत लक्षात आल्याने राज्य राखीव पोलीस दलाच्या पोलिस निरीक्षकांनी दौंड पोलिस ठाण्यात डमी उमेदवार आणि त्याच्या साथीदारा विरोधात गुन्हा दाखल केला आहे. या प्रकरणी मूळ उमेदवार आणि डमी उमेदवार या दोघांनाही अटक करण्यात आली.