मुंबईसह राज्यात रुग्णसंख्येत घट; मात्र देशात वाढती संख्या

कोरोनाने सगळीकडे हाहाकार माजवला आहे. यात आता ओमायक्रॉनचं संकट आलं आहे. कोरोनाच्या रुग्णसंख्येत झपाट्याने वाढ होत आहे. मुंबईत ११ हजार ३१७ नव्या रुग्णांची नोंद झाली. तर दैनंदिन रुग्णसंख्येच्या दुप्पट म्हणजेच २२ हजारांहून अधिक रुग्ण कोरोनामुक्त झाले. मृतांची संख्येत वाढ झाली आहे.

मुंबईतील कोरोना रुग्णांची संख्या २० हजारांपर्यंत गेल्यानंतर ही रुग्णसंख्या हळूहळू कमी होऊ लागली. शुक्रवारी दिवसभरात आढळलेल्या ११ हजार ३१७ रुग्णांपैकी ८४ टक्के म्हणजेच नऊ हजारांहून अधिक रुग्णांना कोणतीही लक्षणे नाहीत. शुक्रवारी ४३,२११ नवीन रुग्णांची तर १९ मृत्यूंची नोंद झाली. राज्यात २३८ ओमायक्रॉनच्या रुग्णांची नोंद झाली.