चेंबूरमध्ये सिलेंडरचा भीषण स्फोट; 4-5 घरे कोसळली

मुंबई : मुंबईच्या चेंबूरमधून धक्कादायक घटना समोर येत आहे. गॅस सिलेंडरचा भीषण स्फोट झाला असून यामध्ये 4 जण गंभीर जखमी झाले आहेत. यामुळे परिसरात एकच खळबळ उडाली आहे. चेंबूर परिसरातील गोल्फ क्लबजवळ ही घटना घडली आहे.

माहितीनुसार, चेंबूरमध्ये गोल्फ क्लबजवळील जुन्या बॅरेकमध्ये गॅस सिलेंडरचा भीषण स्फोट झाला आहे. हा स्फोट इतका भीषण होता की सिलेंडरच्या स्फोटाने आजूबाजूची 4 ते 5 घरे कोसळली आहेत. या स्फोटात 4 जण गंभीर जखमी झाले असून त्यांना उपचारासाठी रुग्णालयात दाखल करण्यात आले आहे. तर, 11 जणांची अग्निशमन दलाकडून नागरिकांची सुखरुप सुटका करण्यात आली आहे. या स्फोटामुळे परिसरात गोंधळ उडाला होता.