मुख्यमंत्री एकनाथ शिंदे यांनी दिला मराठा आरक्षणाचा शब्द

मुंबई : मराठा क्रांती मोर्चाचे मुख्य समन्वयक विनोद पाटील (Vinod Patil) यांच्या नेतृत्वाखाली शिष्टमंडळाने मुंबईत मुख्यमंत्री एकनाथ शिंदे (Eknath Shinde) यांची भेट घेऊन मागण्यांचे निवेदन दिले. यावेळी मराठा आरक्षण प्रश्न लवकरच मार्गी लागण्याचा शब्द मुख्यमंत्री एकनाथ शिंदे यांनी दिला, अशी माहिती विनोद पाटील यांनी दिली आहे.

मराठा समाजाला ओबीसीतून मराठा आरक्षण मिळावे, सारथी व अण्णासाहेब आर्थिक विकास महामंडळातील कल्याणकारी योजना गतीमान कराव्यात, जाचक अटी रद्द करून कामकाजात पारदर्शकता आणावी यासह विविध मागण्यांकडे नवीन सरकारचे लक्ष वेधण्यासाठी मराठा क्रांती मोर्चाचे मुख्य समन्वयक विनोद पाटील यांच्या नेतृत्वाखाली शिष्टमंडळाने मुंबईत एकनाथ शिंदे यांची भेट घेतली. यावेळी मराठा आरक्षण प्रश्न लवकरच मार्गी लागण्याचा शब्द मुख्यमंत्री एकनाथ शिंदे यांनी दिला असल्याची माहिती विनोद पाटील यांनी दिली.