गोपीचंद पडळकरांविरोधात गुन्हा दाखल, गर्दी जमवल्याचा ठपका

आमदार गोपीचंद पडळकरांच्या विरोधात विटा पोलीस ठाण्यात आपत्ती व्यवस्थापन कायदा भंग केल्याप्रकरणी गुन्हा दाखल झाला आहे.

सांगली जिल्ह्यातील खानापूर तालुक्यातील बाणूरगड येथे बहिर्जी नाईक यांच्या स्मारकाच्या भूमिपूजन सोहळा 19 जुलै रोजी पार पडला होता. याप्रसंगी गर्दी जमवल्याप्रकरणी आणि आपत्ती व्यवस्थापन कायदा भंग केल्याप्रकरणी आमदार गोपीचंद पडळकरांच्या विरोधात विटा पोलीस ठाण्यात गुन्हा दाखल झाला आहे.

देवेंद्र फडणवीस यांच्या संकल्पनेतून साकारत असलेल्या बहिर्जी नाईक यांच्या स्मारकाच्या  भूमिपूजन सोहळा पार पडला होता. तर कार्यक्रमाचे निमंत्रक गोपीचंद पडळकर होते.