विकास माने| बीड
बीडच्या केज (Beed)तहसील कार्यालयात नायब तहसीलदारावर प्राणघातक हल्ला केल्याची घटना समोर आलीय. विशेष म्हणजे नायब तहसीलदारांच्या सख्या भावानेच (Crime)त्यांच्यावर हल्ला केला. दिवसाढवळ्या घडलेल्या घटनेने परिसरात एकच खळबळ माजली आहे. (naib tehsildar in beed district)
आशा वाघ असे जखमी नायब तहसीलदारांचे नाव आहे. त्या नेहमीप्रमाणे तहसील कार्यालयात आस्थापना शाखेत बसल्या असताना त्यांच्या सख्ख्या भावाने या ठिकाणी येऊन गोंधळ घातला. दोघांमध्ये काही वेळ बाचाबाची झाली. या दरम्यान अचानक धारदार कोयत्याने हल्ला चढवत त्यांना जीवे मारण्याचा प्रयत्न केला. यावेळी कर्मचाऱ्यांनी हल्लेखोर भावाला रूममध्ये कोंडून पोलिसांना पाचारण केलं. सध्या जखमी झालेल्या आशा वाघ यांना अंबाजोगाई येथील स्वामी रामानंद तीर्थ रुग्णालयात दाखल करण्यात आल असून त्यांची प्रकृती चिंताजनक आहे. हा सर्व प्रकार संपत्तीच्या वादातून घडला असल्याची प्राथमिक माहिती पोलिसांकडून देण्यात आली आहे.
