ईदच्या मिरवणुकीत महाराष्ट्राचा देखावा अन् वाजले शिवसेनेचे गाणे; व्हिडीओ व्हायरल

एकीकडे काही जण समाजामध्ये दुही निर्माण करत आहेत. तर, दुसरीकडे एक सुंदर उदाहरण समोर येत आहे. ईद-ए-मिलादनिमित्त राज्यभरात ठिकठिकाणाहून मिरवणुका निघाल्या होत्या. मुस्लिम समाजानेही यात मोठ्या प्रमाणात सहभाग घेतला होता. अशाच एका मिरवणुकीचा व्हिडीओ सध्या सोशल मीडियावर व्हायरल होत आहे.

ईदनिमित्त निघालेल्या मिरवणुकीत महाराष्ट्राचा नकाशा साकारण्यात आला असून यात जय महाराष्ट्र असे लिहीले आहे. तर, व्हिडीओमध्ये शिवसेनेचे थीम सॉंगही ऐकायला येत आहे. हा व्हिडीओ नेमका कुठला आहे हे अद्याप समोर आलेले नाही. पण, हा व्हिडीओ आता नेटकऱ्यांच्या पसंतीस उतरत असून कौतुक करताना दिसत आहेत.