मुंबई गोवा मार्गावर अपघात

लांजा वेरळ घाटात कंटेनर पलटी झाल्याने मुंबई गोवा महामार्गावरील वाहतूक ठप्प झाली आहे. हा अपघात आज सकाळी साडे नऊ च्या सुमाराला घडला असून या ठिकाणी वाहतूक पोलीस घटनास्थळी पोचले आहेत.

मुंबईच्या दिशेने हा कंटेनर जात होता संपूर्ण मार्गावर कंटेनर आडवा झाल्याने १०० टक्के वाहतुक बंद झाली आहे. दोन्ही बाजूला वाहनांच्या लांबच लांब रांगा लागल्या आहेत. वेरळ घाटात वारंवार होणाऱ्या अपघातामुळे वाहतूकीवर मोठा परिणाम होत असून पर्यायी मार्ग तात्काळ करावा अशी मागणी होत आहे.