Video : जुन्नर तालुक्यात बगाड यात्रेत मोठा अपघात..! घटना कॅमेऱ्यात कैद

साईदीप ढोबळे | जुन्नर/ पुणे : जुन्नर तालुक्यातील पारुंडे येथील ब्रम्हनाथ यात्रेत गाडी-बगाडाला यात्रा आयोजित केली होती. या यात्रेचा उत्साह सुरु असताना बगाड तुटून अपघात झाला आहे. यामुळे सर्वांच्या काळजाचा ठोका चुकला. या अपघाताचा थरार कॅमेरात कैद झाला आहे. दरम्यान, यामध्ये दोन जण जखमी झाले आहेत.

बगाड यात्रा सुरु असताना बगाड मधोमध तुटला. या दुर्घटनेत दोन्ही बाजूचे वीर उंचावरून जमीनीवर पडून जखमी झाले आहेत. बगाडस्वार खाली पडल्यानंतर सर्वांची एकच धावपळ उडली. ग्रामस्थांनी तातडीने त्यांना रुग्णालयात दाखल केले असून प्रकृती स्थिर असल्याचे सांगितले जात आहे. या घटनेत एक जण गंभीर जखमी तर दुसरा किरकोळ जखमी आहे. सुनील चिलप व संदीप चिलप असे जखमींची नावे आहेत. हे दोघे या बगाडाला लटकलेले होते. त्या दरम्यान मिरवणूक पारुंडे येथील चौकात आल्यावर बगाड मध्यभागी तुटले आणि दोघेही जमिनीवर उंचावरून जोरदार कोसळले.