६ संशयित व्यक्ती शस्त्रांसह रत्नागिरीत; पोलिसांकडून कोम्बिंग आँपरेशन सुरू
निसार शेख, रत्नागिरी | रत्नागिरी जिल्ह्यात एका अज्ञात बोटीतून ६ संशयित व्यक्ती उतरल्याची माहीती समोर आली आहे. सुरक्षा यंत्रणानी ही माहिती रत्नागिरी पोलिसांना दिली. त्यानंतर तात्काळ रत्नागिरी पोलिसांनी कोम्बिंग आँपरेशन सुरू केलंय.
रत्नागिरी जिल्ह्यातील म्हाप्रळ समुद्र किनाऱ्यावर एका अज्ञात बोटीतून ६ संशयित व्यक्ती शस्त्रांसह उतरल्याची माहीती सुरक्षा यंत्रणानी रत्नागिरी पोलिसांना दिली. त्यानंतर तात्काळ रत्नागिरी पोलिसांनी कोम्बिंग आँपरेशन सुरू केलं. म्हाप्रळ पासून जवळचा परीसर आणि संवेदनशिल विभागात पोलिसांनी सर्च आँपरेशन सुरू केले आहे.
रत्नागिरी रायगड या दोन जिल्ह्यातील पोलिसांकडून कोम्बिंग ऑपरेशन सुरू आहे. सावित्री खाडीच्या आजूबाजूच्या गावामध्ये अनोळखी व्यक्ती आली आहे का ? यासंदर्भात स्थानिक यंत्रणेकडून शोध मोहीम सुरू आहे. परंतु पोलिसांच्या हाती कोणताही पुरावा लागला नाही त्यामुळे शोध मोहीम गतिमान करण्यात आले आहे.
