Maharashtra Corona | राज्यात ३ हजार ७४१ नवीन कोरोनाबाधित

राज्यात कोरोनाची दुसरी लाट ओसरत चालली आहे. कारण दररोज समोर येणारी नवीन बाधितांची संख्या कमी आढळून येत आहे. तसेच बरे झालेल्या रूग्णांचा आकडाही वाढतोय, त्यामुळे ही दिलासादायक बाब आहे.

राज्यभरात आज ४ हजार ६९६ रूग्ण कोरोनातून बरे झाले असून ३ हजार ७४१ नवीन कोरोनाबाधित आढळले आहेत. तर, ५२ कोरोनाबाधित रूग्णांचा मृत्यू झाल्याची देखील नोंद झाली आहे. आजपर्यंत एकूण ६२,६८,११२ कोरोनाबाधित रूग्ण बरे होऊन घरी परतले आहेत. यामुळे राज्यातील रूग्ण बरे होण्याचे प्रमाण (रिकव्हरी रेट) ९७.०२ टक्के एवढे झाले आहे.आता राज्यातील एकूण बाधितांची संख्या ६४,६०,६८० झाली आहे. आजपर्यंत राज्यात १३७२०९ करोनाबाधित रूग्णांचा मृत्यू झालेला आहे.सध्या राज्यातील मृत्यू दर २.१२ टक्के एवढा आहे.