Maharashtra Corona | राज्यात २ हजार ४०१ नवे बाधित

महाराष्ट्रात कोरोनाची दुसरी लाट ओसरत चालली आहे. आज दिवसभरात २ हजार ८४० रूग्ण कोरोनामधून बरे झाले असून, २ हजार ४०१ नवीन रूग्ण आढळले आहेत. तर, ३९ कोरोनाबाधित रूग्णांचा मृत्यू झाला आहे.

राज्यात दिवसभरात २ हजार ८४० रूग्ण कोरोनामधून बरे झाले असून, आजपर्यंत एकूण ६३,८८,८९९ कोरोनाबाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (रिकव्हरी रेट) ९७.३२ टक्के एवढे झाले आहे.

२ हजार ४०१ नवीन रूग्ण आढळले आहेत. आता राज्यातील कोरोना बाधित रुग्णांची एकूण संख्या ६५,६४,९१५ झाली आहे. तर, ३९ कोरोनाबाधित रूग्णांचा मृत्यू झाला आहे. राज्यात आजपर्यंत १३९२७२ कोरोनाबाधित रूग्णांचा मृत्यू झालेला आहे. सध्या राज्यातील मृत्यूदर २.१२ टक्के एवढा आहे.तर, राज्यात आज रोजी एकूण ३३,१५९ ॲक्टिव्ह रुग्ण आहेत.