Fathers Day 2023 : वडिलांना स्पेशल फिल द्यायचायं तर 'या' 7 आयडीया तुमच्यासाठी ठरतील उपयुक्त
Fathers Day 2023: या वर्षी 18 जून रोजी फादर्स डे साजरा केला जाणार आहे. जर तुम्हाला तुमच्या वडिलांना फादर्स डे स्पेशल करायचं असेल, तर आम्ही तुमच्यासाठी काही गिफ्ट आयडिया घेऊन आलो आहोत.
जर तुमचे वडील वृद्ध असतील तर या फादर्स डेच्या दिवशी तुम्ही त्यांना एखाद्या ठिकाणी यात्रेला घेऊन जा. तुम्ही त्यांना हरिद्वार, ऋषिकेश किंवा त्यांच्या आवडत्या तीर्थक्षेत्राला घेऊन जा. त्यांच्यासोबत क्वालिटी टाईम घालवा. ही भेट त्यांच्यासाठी खूप खास असेल.
या फादर्स डेला तुमच्या वडिलांसोबत डेटवर जा. त्यांना त्याच्या आवडत्या रेस्टॉरंटमध्ये घेऊन जा. एकत्र क्वालिटी टाईम घालवा. त्यांच्यासाठी हा सर्वात संस्मरणीय क्षण असेल.
फादर्स डेच्या दिवशी तुम्ही तुमच्या वडिलांना एक्यूप्रेशर चप्पल भेट देऊ शकता. यामुळे शरीरातील रक्ताभिसरण सुधारण्यास मदत होईल आणि त्यांचा थकवाही दूर होईल. ही स्लीपर तुम्हाला बजेटमध्येच मिळेल.
रविवारी फादर्स डे येत आहे त्यामुळे तुम्ही संपूर्ण कुटुंबासह सहलीला जावे. जेवण केल्यानंतर आणि कुटुंबासोबत वेळ घालवल्यानंतर तुमच्या वडिलांचे मन प्रसन्न होईल.
तुमच्या वडिलांना स्पेशल वाटण्यासाठी, त्यात जुने फोटो जोडून एक फोटो फ्रेम भेट द्या. यामुळे जुन्या आठवणींना उजाळा मिळेल आणि हे त्यांच्या चेहऱ्यावर हास्य आणेल.
त्यांच्या तब्येतीची काळजी घेऊन तुम्ही तुमच्या वडिलांना एक स्मार्ट घड्याळ भेट देऊ शकता. याच्या मदतीने तुम्ही त्यांच्या तब्येतीवर लक्ष ठेवू शकता. बीपी आणि हृदय गती ट्रॅक करण्यास सक्षम असेल.
तुम्ही तुमच्या वडिलांना खरेदीसाठी घेऊन जाऊ शकता, त्यांना जे आवडते ते खरेदी करू शकतात. याशिवाय, तुम्ही त्यांच्यासाठी स्वतःच्या हातांनी रात्रीचे जेवण तयार करू शकता.
