आज काय घडले : मुंबईत 24 तासांत तब्बल 995 मिमी पाऊस

सुविचार

पैज लावायची तर स्वतः सोबतच लावा. कारण जिंकलात तर स्वत:चा आत्मविश्वास जिंकेल आणि हारलात तर स्वत:चाच अहंकार हारेल.

आज काय घडले

• १९५६ मध्ये जागतिक बँकेने आस्वान धरण बांधण्यासाठी अर्थसाहाय्य करण्यास नकार दिल्यावर ईजिप्तने सुएझ कालव्याचे राष्ट्रीयकरण केले.

• १९९८ मध्ये बुद्धिबळातील कामगिरीबद्दल विश्वनाथन आनंद यांना प्रतिष्ठेचा चेस ऑस्कर पुरस्कार जाहीर झाला.

• १९९९ मध्ये भारत-पाकिस्तानात झालेल्या कारगिल युद्धात भारताने निर्णयाक विजय मिळवला. हे युद्ध आधुनिक इतिहासातील अतिउंचीवरच्या युद्धाचे अत्युत्कृष्ट उदाहरण आहे.

• २००५ मध्ये मुंबई परिसरात २४ तासांत सुमारे ९९५ मिमी पाऊस झाला. या पावसामुळे शेकडो नागरिकांचा मृत्यू झाला.

आज यांचा जन्म

• नोबेल पारितोषिक विजेते आयरिश लेखक आणि लंडन स्कूल ऑफ इकॉनॉमिक्सचे सहसंस्थापक जॉर्ज बर्नार्ड शॉ यांचा १८५६ मध्ये जन्म झाला.

• भारतीय शास्त्रीय संगीतातील ग्वाल्हेरच्या घराण्याचे शास्त्रीय गायक पंडित कृष्णराव शंकर यांचा १८९३ मध्ये जन्म झाला.

• फॅशन मॉडेल आणि हिंदी चित्रपटांमधील अभिनेत्री मुग्धा गोडसे यांचा १९८५ मध्ये जन्म झाला.

आज यांची पुण्यतिथी

• बंगालमधील पहिले वैज्ञानिक इतिहासकार, एशियाटिक सोसायटीचे पहिले अध्यक्ष राजेंद्रलाल मित्र यांचे १८९१ मध्ये निधन झाले.

• भारतीय सितार वादक, शैक्षणिक, चित्रपट व नाट्य संगीतकार भास्कर चंदावरकर यांचे २००९ मध्ये निधन झाले.