निलेश राणे आज शिवसेनेत प्रवेश करणार

सचिन वाझेला मुंबई हायकोर्टाचा मोठा दिलासा मिळाला आहे. 100 कोटींच्या कथित भ्रष्टाचार प्रकरणात कोर्टाकडून सशर्त जामीन मंजूर करण्यात आला आहे.

मुख्यमंत्री एकनाथ शिंदे गुवाहाटीत कामाख्या देवीच्या दर्शनासाठी दाखल झाले असून गुवाहाटीवरून मुख्यमंत्री शिंदे दिल्लीला जाण्याची शक्यता वर्तवण्यात येत आहे.

माजी खासदार निलेश राणे हाती धनुष्यबाण घेणार असून कुडाळमधील मुख्यमंत्री शिंदे यांच्या आजच्या सभेत निलेश राणे यांचा पक्षप्रवेश होणार आहेत.

उपमुख्यमंत्री देवेंद्र फडणवीस दिल्लीला रवाना झाल्याची माहिती मिळत असून केंद्रीय गृहमंत्री अमित शाह यांची भेट घेणार आहेत. भाजपच्या दुसऱ्या यादीवर अंतिम शिक्कामोर्तब होण्याची शक्यता वर्तवण्यात येत आहे.

भाजपला रत्नागिरीमध्ये मोठा धक्का बसणार आहे. भाजपचे माजी आमदार बाळ माने शिवसेना उद्धव बाळासाहेब ठाकरे पक्षात प्रवेश करणार आहेत. आज दुपारी 1 वाजता मातोश्रीवर बाळ माने यांचा पक्षप्रवेश होणार आहे.

मनसेचे उमेदवार संदीप देशपांडे 28 ऑक्टोबरला अर्ज दाखल करणार असून संदीप देशपांडे यांना वरळीमधून उमेदवारी मिळाली आहे. 24 ऑक्टोबरला वरळीमधील मनसेच्या कार्यालयाचं राज ठाकरेंच्या हस्ते उद्घाटन होणार आहे.