जम्मू काश्मीरमध्ये सुरक्षा दलाला मोठे यश; चकमकीत जैशचे 4 आणि लष्करच्या एका दहशतवाद्याचा खात्मा

जम्मू-कश्मीरमध्ये पुलवामा- बडगामध्ये सुरक्षा दलांला मोठे यश मिळाले आहे. चकमकीत जैशचे 4 आणि लष्करच्या एका दहशतवाद्याचा खात्मा सुरक्षा दलाने केला. तसेच बडगाममधील दहशतवाद्यांकडून शस्त्रे जप्त केली. ठार झालेल्या दहशतवाद्यांमधील चार जण हे जैश-ए-मोहम्मद आणि एक जण लष्कर-ए-तैयबाचा आहे.

पुलवामाच्या नायरा गावामधील चकमकीत सुरक्षा दलांनी तीन दहशतवाद्यांना ठार केले. तर, बडगाम जिल्ह्यात दहशतवादी आणि सुरक्षा दलांमध्ये दुसरी चकमक सुरू झाली. आणि बडगामच्या चरार-ए-शरीफ भागात सुरक्षा दलांनी केलेल्या चकमकीत एका दहशतवादीला ठार करण्यात यश मिळाले.

काश्मीर झोन पोलिसांकडून मिळालेल्या माहितीनुसार, चरार-ए-शरीफ भागात शोध मोहिम सुरू झाली. परंतु या शोध मोहिमेदरम्यान दहशतवाद्यांनी सुरक्षा दलांवर गोळीबार सुरू केला. सुरक्षा दलांनी केलेल्या प्रत्युत्तरानंतर लष्कर-ए-तैयबाचा एक दहशतवादी ठार झाला .तसेच ठार झालेल्या दहशतवाद्यांकडून एक AK-56 रायफल जप्त केली आहे. चरार-ए-शरीफ भागात शोध मोहिम सुरू आहे.