Hair Care Tips : मेहंदी लावताना 'ही' घ्या काळजी; अन्यथा होतील गंभीर परिणाम
Hair Care Tips : केसांचा रंग आणि पोत सुधारण्यासाठी मेहंदी उपयुक्त ठरते. अनेक लोक नैसर्गिक रंगाप्रमाणे केसांवर मेहंदी वापरतात. विशेषतः महिलांना केसांवर मेहंदी लावायला आवडते. ज्या महिलांचे केस पांढरे असतात, त्या मेहंदी लावतात, त्याचप्रमाणे काळे केस असलेल्या महिलाही केसांवर थोडासा लालसरपणा येण्यासाठी मेहंदी वापरतात. पण, मेहंदी वापरताना काही गोष्टींची काळजी घेणं खूप गरजेचं असते. मेहंदी वापरण्याचा योग्य पध्दत तुम्हाला सांगणार आहोत.
महिन्यातून किती वेळा लावावी मेहंदी?
मेहंदी चार आठवड्यांतून एकदा लावता येते. जेणेकरून मेहंदी केसांना हानी पोहोचवू नये. जर मेहंदी एका महिन्यात जास्त प्रमाणात लावली तर केस जास्त कोरडे होऊ शकतात. याशिवाय मेहंदीच्या चुकीच्या वापरामुळे केसांचा रंग आणि पोतही बिघडू शकतो. महिन्यातून एकदा मेहंदी लावल्यास केसांना अनेक फायदे होतात. याशिवाय रासायनिक मेहंदीऐवजी हर्बल किंवा नैसर्गिक मेहंदी वापरण्याचा प्रयत्न करा.
मेहंदी किती वेळ ठेवायची?
केसांना मेहंदी लावण्याची वेळ कोणत्या उद्देशाने मेहंदी लावली जाते यावर अवलंबून असते. जर तुम्ही केसांना हायलाइट करण्यासाठी मेहंदी लावत असाल तर 1 ते 3 तास पुरेसे आहेत. जर तुम्हाला तुमचे पांढरे केस झाकण्यासाठी खोल रंग हवा असेल तर 3 ते 4 तास योग्य असतील. मेहंदी जास्त वेळ केसांवर ठेवली तर मेहंदी केसांचा ओलावा शोषून घेते आणि केस जास्त कोरडे होऊ शकतात. मेहंदी मुळे टाळू ब्लॉक होण्याची समस्या देखील असू शकते.
मेहंदी कशी तयार करावी?
केसांवर मेहंदीचा सामान्य परिणाम होण्यासाठी, कोमट पाण्यात भिजवून पेस्ट तयार केली जाऊ शकते. जर तुम्ही पांढरे केस काळे करण्यासाठी मेहंदी लावत असाल तर तुम्ही ती भिजवून रात्रभर ठेवू शकता. मेहंदी भिजवण्यासाठी चहाच्या पानाचा वापर केला जाऊ शकतो. याशिवाय लोखंडाच्या भांड्यात मेंदी भिजवून ठेवणे चांगले मानले जाते. केसांना चमक आणण्यासाठी आवळा पावडर, शिकाकाई पावडर किंवा रिठा देखील मेहंदीमध्ये मिसळले जाऊ शकते.
