तुम्हीही रात्रभर केसांना तेल लावून झोपता तर फायदेऐवजी होतील दुष्परिणाम; जाणून घ्या
Oiling Hair Overnight : अनेकदा आपण रात्रभर केसांना तेल लावून झोपतो. विशेषतः महिलांना रात्री केसांना तेल लावण्याची आणि सकाळी उठल्यानंतर केस धुण्याची सवय असते. पण, असे केल्याने काही तोटेही होऊ शकतात. वास्तविक, केसांना रात्रभर तेल लावणे हे केसांची काळजी घेण्याच्या चुकांमध्ये समाविष्ट आहे. यामुळे केसांचे नुकसान तर होतेच पण त्याचे वाईट परिणाम चेहऱ्यावरही दिसू लागतात. जाणून घ्या रात्रभर केसांना तेल का ठेवू नये?
रात्रभर केसांना तेल लावून ठेवण्याचे तोटे
- केसांना रात्रभर तेल लावल्याने डोक्याच्या पृष्ठभागावरील छिद्रे बंद होऊ शकतात. त्यामुळे केसांमध्ये घाणही जास्त प्रमाणात साचते. जर तुम्ही टाळूवर बोटाने हलके स्क्रॅच केले आणि नखांमध्ये घाण दिसू लागली, तर ते छिद्र बंद होण्याचा परिणाम आहे.
- जर तुमच्या केसांमध्ये आधीच कोंडा असेल तर तुम्हाला रात्रभर केसांना तेल लावणे टाळले पाहिजे. याचे कारण असे की तेलामुळे डोक्यातील कोंडाबरोबरच आणखी घाणही डोक्याच्या पृष्ठभागावर साचू शकते, त्यामुळे कोंडाही वाढलेला दिसतो. यापेक्षा तुम्ही हायड्रेटिंग हेअर मास्क लावा.
- अनेक महिलांचे केस आधीच तेलकट असतात आणि त्या या तेलकट केसांना रात्रभर तेल लावतात. त्यामुळे केसांमध्ये लहान किडे, घाण, धूळ आणि माती जास्त चिकटते. अनेक वेळा धुतल्यानंतरही ही घाण लवकर बाहेर पडत नाही.
- जर तुमचे केस आधीच गळत असतील तर रात्रभर तेल लावण्याऐवजी केस धुण्याच्या अर्धा तास आधी तेल लावणे तुमच्यासाठी चांगले ठरेल. तेल लावून ठेवल्याने डोक्याला खाज सुटू लागते.
- टाळूवर जास्त तेल लावल्याने चेहऱ्यावर पिंपल्सची समस्या होऊ शकते. त्याच वेळी रात्रभर तेल लावल्यामुळे उशीला तेल चिकटते आणि त्यामुळे हे तेल चेहऱ्यावर चिकटून राहते आणि त्वचेशी संबंधित समस्या उद्भवू लागतात.
