‘मोस्ट वाँटेड गँगस्टर’ काला जेठडीला अटक, दिल्ली स्पेशल सेलची कारवाई

नवी दिल्लीच्या स्पेशल सेल पोलिसांनी मोठी कारवाई करत उत्तर प्रदेशच्या सहारनपूर येथेून काल (शुक्रवारी) एका मोस्ट वाँटेड गँगस्टरच्या मुसक्या आवळल्या. काला जेठडी उर्फ संदीप असे त्याचे नाव असून, त्याला अटक करण्यात आली आहे. त्याच्यावर सात लाखांचे बक्षिस ठेवण्यात आले होते.

काला जेठडीवर दिल्ली पोलिसांनी सात लाख रुपयांचा इनाम देखील ठेवलेला होता. याचबरोबर त्याची सहकारी लेडी डॉन अनुराधा हिला देखील अटक करण्यात आली आहे.

दिल्ली पोलीस स्पेशल सेलच्या काउंटर इंटेलिजन्सच्या डीसीपी मनिषा चंद्र यांनी सांगितले की, शुक्रवारी उत्तर प्रदेशमधील सहारनपूर येथून मोस्ट वाँटेड गँगस्टर काला जेठडीला अटक करण्यात आली आहे. काला जेठडीच्या विरोधात दिल्ली, पंजाब, हरियाणा आणि राजस्थानमध्ये अनेक गुन्हे दाखल आहेत.