कृषीप्रधान देशाला व पुरोगामी राज्याला काळीमा फासणारी घटना

राज्यात वीजतोडणीमुळे शेतकरी हैराण झाले आहेत. अश्यातंच वीज तोडणीमुळे हैराण झालेल्या युवा शेतकऱ्याने आत्महत्या केली आहे.

वीज तोडणीमुळे पंढरपूर तालुक्यात पहिला बळी गेलाय. पंढरपूर येथील मगरवाडी तालुक्यातील तरुण सूरज जाधव या शेतकऱ्याने आत्महत्या केली. माहितीनुसार, सरकारच्या शेतकरीविरोधी धोरणाला कंटाळून व वारंवार वीज तोडणी करून शेतकऱ्यांना वेठीस धरणाऱ्या महावितरणावर वैतागून ही आत्महत्या झाल्याचे समजते, पोलीस या प्रकरणाचा अधित तपास करत आहेत. आत्महत्येपूर्वी शेतकऱ्याने आपला व्हिडिओ बनवला, आणि सोशल मिडियावर शेअर केला आहे. ह्या व्हिडिओमध्ये त्याने परत शेतकरी जन्माला येणार नाही असे सांगितले आहे.