Goa Election Results : पणजीतून उत्पल पर्रिकरांचा 800 मतांनी पराभव

दिवंगत माजी मुख्यमंत्री मनोहर पर्रिकर यांचे चिरंजीव उत्पल पर्रिकर ( Utpal Parrikar) यांना पराभवाचा धक्का बसला आहे. केवळ 800 मतांनी त्यांना आपली जागा गमवावी लागली आहे. भाजपचे उमेदवार बाबूश मॉन्सेरात हे विजयी झाले आहेत. उत्पल पर्रिकर यांनी त्यांना जोरदार टक्कर दिली.

भाजपने उमेदवारी नाकारल्याने उत्पल पर्रिकर यांनी बंडाचे निशाण फडकावले होते. त्यांची मनधरणी करण्यात आली होती. मात्र, त्यांनी अपक्ष म्हणून निवडणूक रिंगणात उडी घेतली. पणजीतून उत्पल पर्रिकर यांची आपला अर्ज दाखल केला. त्यामुळे भाजप विरुद्ध माजी मुख्यमंत्री यांचा मुलगा असा सामना होता. यात कोण बाजी मारणार याची मोठी उत्सुकता होती.