‘यारी दोस्ती’ चा सिक्वल प्रेक्षकांच्या भेटीला!

मराठी चित्रपटसृष्टीत चित्रपटाचा सिक्वल बनवण्याचा ट्रेंड सध्या चर्चेत आहे. 'टाईमपास 2', त्यानंतर आता 'टकाटक 2', 'भेटली तू पुन्हा 2'हे चित्रपटांचा सिक्वल आले. आता 'यारी दोस्ती – 2' हा चित्रपट प्रेक्षकांच्या भेटीला येत आहे.

दोस्तीतील पैलू मांडणाऱ्या यारी दोस्ती या चित्रपटाने प्रेक्षकांचे मनोरंजन करण्यात यश मिळवले आहे. यारी दोस्तीला युट्यूब वर 8.2 मिलियन व्ह्यूज मिळाले आहेत.या चित्रपटाच्या यशानंतर निर्मात्यांनी आता सिक्वलची घोषणा केली आहे.

पॅशनवर्ल्ड आणि बुद्ध टेलिफिल्म्स निर्मिती चित्रपटाची सहनिर्माती ऑडीओ लॅब मिडीया कोर्पोरेशन करत आहे.सोशल मीडियावर मोशन पोस्टर प्रदर्शित करत निर्मात्यांनी चित्रपटाची घोषणा केली आहे. या चित्रपटाचं लेखन आणि दिग्दर्शन शंतनू अनंत तांबे करत आहे.अभिनेता हंसराज जगताप,आकाश वाघमोडे,सुमित भोस्के, आशिष गाडे,संदीप गायकवाड,शिल्पा ठाकरे,संकेत हेगणा आदी कलाकारांनी भूमिका साकारल्या आहेत.