बिग बॉस 15 ची विजेती तेजस्वी प्रकाशने (Tejaswi prakash) अलीकडेच नवीन ऑडी Q7 खरेदी केली आहे. तेजस्वीचे अनेक फोटो आणि व्हिडिओ सोशल मीडियावर (social media) व्हायरल होत आहेत, ज्यामध्ये ती एका नवीन कारसोबत दिसत आहे. या खास क्षणामध्ये अभिनेत्रीसोबत तिचा बॉयफ्रेंड करण कुंद्राही (Karan Kundra) उपस्थित होता. रिपोर्ट्सनुसार, तेजस्वीच्या कारची किंमत जवळपास 90 लाख रुपये आहे. वयाच्या अवघ्या 28व्या वर्षी एवढी महागडी गाडी घेतल्यामुळे सध्या सगळीकडे तेजस्वीची चर्चा सुरू आहेत.
तेजस्वी आणि करणचे अनेक फोटो आणि व्हिडिओ व्हायरल होत आहेत, ज्यामध्ये दोघेही नवीन कारसोबत सेल्फी घेताना दिसत आहेत. त्याचवेळी, तेजस्वी स्वतः शोरूममधून बाहेर पडताना तिची नवीन कार घेऊन जात असल्याचे व्हिडिओमध्ये दिसत आहे. काही फोटोंमध्ये तेजस्वी नवीन कारसमोर पूजा करताना आणि नारळ फोडतानाही दिसत आहे. यानंतर तेजस्वी स्वत: नवीन कार चालवत एका कार्यक्रमात पोहोचली.
