Swara Bhaskar : बॉलिवूड बद्दल बोलताना स्वरा भडकली....
ब-याच कालावधी नंतर स्वरा भास्कर(Swara Bhaskar) ही कमल पांडे दिग्दर्शित 'जहाँ चार यार' या चित्रपटातुन मोठ्या पडद्यावर पुनरागमन करत आहे. सोशल मीडियावर सुरू असलेल्या बहिष्काराच्या व्यापारामुळे बॉलीवूड चित्रपट बॉक्स ऑफिसवर घसरत असताना स्वराचा हा चित्रपट प्रदर्शित होत आहे. अशा परिस्थितीत जेव्हा स्वराला याबद्दल विचारण्यात आले तेव्हा अभिनेत्रीने अगदी बिनधास्तपणे उत्तर दिलेलं आहे. स्वरा म्हणाली की तिचा अपयश साजरे करण्यावर विश्वास नाही. याशिवाय सुशांत सिंगच्या आत्महत्येनंतर बॉलीवूडविरोधात द्वेष वाढल्याचा दावा देखील स्वराने केला आहे. सुशांतच्या आत्महत्येपासून बॉलिवूडमध्ये ड्रग्ज, सेक्स आणि अल्कोहोलमध्ये गुंतलेले दाखवले जात आहे.
बॉलीवूड बॉयकॉटवर स्वरा म्हणाली की जे सोशल मीडियावर हा ट्रेंड चालवत आहेत त्यांना बॉलिवूडला खाली आणायचं आहे. मला या बद्दल खूप वाईट वाटतं. बॉलीवूड अनेकांना उपजीविका देतं परंतु हे आंधळे द्वेष करणारे या गोष्टीला विसरले आहेत असे मला वाटते.
बॉलीवूड आणि साऊथ चित्रपटांची तुलना करताना स्वरा म्हणाली की तुम्ही RRR, पुष्पा आणि KGF बद्दल ऐकत आहात कारण साऊथमधील हे तीन चित्रपट आहेत ज्यांनी बॉक्स ऑफिसवर चांगली कमाई केली आहे. परंतु असे अनेक चित्रपट प्रदर्शित होत आहेत जे बॉक्सऑफिसवर चांगली कमाई करू शकले नाहीत. दक्षिणेत प्रदर्शित होणारा प्रत्येक चित्रपट हिट होतोच असं नाही. ज्यांना फटका बसला आहे त्यांच्याबद्दल तुम्ही ऐकत आहात. बॉलीवूडमध्येही 'भूल भुलैया 2' आणि 'गंगूबाई' या चित्रपटांनी देखील चांगली कामगिरी केली आहे.
