Ira Khan : आमिर खानच्या लेकीची हळद, पूर्वाश्रमीच्या दोन्ही पत्नींचा मराठमोळा अंदाज
अभिनेता आमिर खानची मुलगी इरा खानचा हळदीचा कार्यक्रम आहे. ३ जानेवारी रोजी फिटनेस ट्रेनर नुपूर शिखरेसोबत लग्न करणार आहे. नुकताच हळदी समारंभाच्या कार्यक्रमात अभिनेता आमिर खानच्या दोन्ही माजी पत्नी किरण राव आणि रीना दत्ता यांनी मराठमोळी नऊवारी साडी नेसली होती. इरा आणि नुपूर मराठमोळ्या रितीनुसार लग्न करणार असल्याची बातमी समोर येत आहे.
इरा खान आणि नुपूर शिखरेंच्या हळदी समारंभात रीना आणि किरण लेकीच्या हळदीसाठी मराठमोळ्या नऊवारी साडीमध्ये होणाऱ्या जावयाच्या घरी पोहोचले आहेत. व्हायरल झालेल्या व्हिडिओमध्ये किरणने डोक्यात गजरा, जांभळ्या रंगाची नऊवारी साडी आणि पायात कोल्हापुरी चप्पल असा लूक केला आहे. तर आमिरची पहिली पत्नी रिना दत्ता हिरव्या नऊवारी साडीमध्ये फारच सुंदर दिसत आहे.
कोण आहे नुपूर शिखरे?
नुपूर शिखरे हा व्यवसायाने फिटनेस ट्रेनर आहे. गेल्या अनेक महिन्यांपासून नुपूर इराला ट्रेन करत आहे. इराने ट्रेनिंग दरम्यानचे अनेक फोटो सोशल मीडियावर शेअर केले आहेत. नुपूर फक्त इरालाच नाही तर परफेक्शनिस्ट आमिर खानचाही फिटनेस ट्रेनर आहे.
