५६ वर्षांच्या प्रकाश राज यांनी पुन्हा एकदा केले लग्न

आपल्या दमदार अभिनयाने ओळखले जाणारे प्रकाश राज यांचे नवे फोटो सध्या व्हायरल होत आहे. प्रकाश राज यांनी ११ वर्षांपूर्वी पोनी वर्माशी लग्न गाठ बांधली होती. पोनी वर्मा ही प्रकाश राज यांच्या पेक्षा १२ वर्षांनी लहान आहे. त्यांच्या लग्नाला काल ११ वर्षे पूर्ण झाल्याने त्यांनी एका अनोख्या अंदाजात हा दिवस साजरा केला आहे.

प्रकाश राज त्यांच्या दमदार अभिनयासाठी ओळखले जातात. आजवर त्यांनी तेलुगू, कन्नड, मल्याळम, हिंदी या विविध भाषांमधील चित्रपटांत काम केले आहे. प्रकाश राज हे त्यांच्या मतांसोबत खासगी आयुष्यामुळे चर्चेत राहतात.

प्रकाश राज यांनी पत्नी पोनी वर्माशी दुसऱ्यांदा लग्न केले आहे. या लग्नाचे कारण त्यांचा मुलगा आहे. या विषयी त्यांनी सोशल मीडिया पोस्टवर सांगितले आहे. प्रकाश राज यांनी त्यांच्या ट्विटर अकाऊंटवरून काही फोटो शेअर केले आहेत.

या फोटोत प्रकाश त्यांची पत्नी पोनी वर्मा आणि मुलगा दिसत आहे. यात त्या दोघांनी पुन्हा एकदा लग्न केल्याचे दिसत आहे. एका फोटोत प्रकाश त्यांच्या पत्नीला प्रपोज करत आहेत. तर दुसऱ्या फोटोत ते किस करताना दिसत आहे. त्यानंतर एका फोटोत ते संपूर्ण कुटुंबासोबत दिसत आहेत. हे फोटो शेअर करत 'आम्ही आज रात्री पुन्हा एकदा लग्न केले आहे…कारण आमचा मुलगा वेदांतला आमचं लग्न पाहायचं होतं,' असे कॅप्शन प्रकाश यांनी दिले आहे.