KGF स्टार यशला 'या' प्रसिद्ध बॉलिवूड अभिनेत्रीसोबत काम करायची इच्छा
'केजीएफ चॅप्टर २' प्रदर्शित झाल्यानंतर बॉक्स ऑफिसवर धुमाकूळ घालत आहे. रॉकी (Rocky) भाईच्या दमदार अंदाजाने प्रेक्षकांची मने जिंकली असून अभिनेता यशच्या (yash) अभिनयाला प्रेक्षकांचे भरभरून प्रेम मिळताना दिसत आहे.
'केजीएफ २' हा तेलुगू चित्रपट आहे परंतु त्याला हिंदीमध्ये डब करण्यात आलं आहे. मात्र आता चाहते यशाला हिंदी चित्रपटांमध्येही पाहण्यास उत्सुक आहेत. यशला अनेक मुलाखतीमध्ये (Interview) बॉलिवूड डेब्यूबाबत प्रश्न विचारण्यात आला असता, त्याने प्रसिद्ध बॉलिवूड (Bollywood) अभिनेत्रीसोबत काम करण्याची इच्छा व्यक्त केली.
मुलाखतीत रॅपिड फायर राउंडमध्ये त्यानं एका प्रश्नाचं उत्तर देताना बॉलिवूड अभिनेत्रीसोबत काम करण्याची इच्छा व्यक्त केली होती. या राउंडमध्ये यशला, 'कोणत्या अभिनेत्रीसोबत बॉलिवूड पदार्पण करण्याची इच्छा आहे?' असा प्रश्न विचारण्यात आला होता. या प्रश्नाचं उत्तर देताना अभिनेता यशनं अभिनेत्री दीपिका पदुकोणचं नाव घेतलं होतं. दीपिका पदुकोण (Deepika Padukone) बेंगळुरूची असल्यानं मला तिच्यासोबत काम करायची इच्छा असल्याचे यश म्हणाला होता.
