‘शिवप्रताप–गरुडझेप’ चित्रपटातील ‘जय भवानी जय शिवराय’ ! गाणे प्रेक्षकांच्या भेटीला

मराठीमध्ये ऐतिहासिक चित्रपट प्रदर्शित होत आहेत आणि हे चित्रपट प्रेक्षकांना खूप आवडतात. अशाच एक ऐतिहासिक चित्रपट लवकरच प्रेक्षकांच्या भेटीला येणार आहे. अभिनेते डॉ. अमोल कोल्हे (Amol Kolhe ) यांनी नव्या ऐतिहासिक चित्रपटाची घोषणा केली आहे, ‘गरुडझेप’ (Shivpratap Garudjhep Teaser )असं या चित्रपटाचं नाव आहे.

नुकतेच या चित्रपटातील ‘जय भवानी जय शिवराय’ हे गाणे प्रेक्षकांच्या भेटीला आलं आहे. अभिनेते अमोल कोल्हे यांनी त्यांच्या इन्स्टाग्राम अकाऊंटद्वारे याबाबत माहिती दिली. या गाण्यामध्ये अमोल कोल्हे यांची झलक पाहायला मिळत आहे. “गणेशोत्सवाची गणेशभक्तांना शिवशक्तीमय भेट…सादर आहे शिवप्रताप गरुडझेप या आगामी चित्रपटातील ‘जय भवानी जय शिवराय’ गाणे!” असं अमोल कोल्हे यांनी गाणं शेअर करत कॅप्शन दिलं आहे.

जगदंब क्रिएशन्स प्रस्तुत या चित्रपटाची निर्मिती स्वतः अमोल कोल्हे यांनीच केली आहे. तसेच चित्रपटाचे दिग्दर्शन कार्तिक राजाराम केंढे यांनी केले आहे. सप्टेंबर २०२२मध्ये हा चित्रपट बॉक्स ऑफिसवर दाखल होईल.