Imlie | ‘या’ मालिकेला अभिनेत्याने केला रामराम
तुमचा एखादा आवडता टीव्ही शो (Tv show)असतो, जो तुम्ही दररोज न चुकता पाहत असता. हा दररोज पाहण्यामागे तुमचं वेगवेगळं कारण असू शकतं. कदाचित तुम्हाला त्याची स्टोरी आवडत असेल किंवा तुम्ही आवडत्या कलाकारासाठी पाहत असाल. मात्र आवडता कलाकारच तो शो सोडून गेल्यास मात्र तुम्हाला फार दुःख होतं. तुम्ही सध्या 'इमली' (Imlie) हा टीव्ही शो पाहत असाल तर तुमच्यासाठी निराशाजनक बातमी आहे. कारण या शोमधून एका मुख्य कलाकाराने एक्झिट घेतली आहे.
छोट्या पडद्यावर 'इमली' ही सीरियल लोकप्रिय ठरली आहे .टीआरपीच्या (TRP) लिस्टमध्ये सुद्धा हा शो सातत्याने वरच्या क्रमांकावर राहिला आहे. पण आता या शोमध्ये एक मोठा बदल होणार आहे. मुख्य अभिनेता आदित्य कुमार त्रिपाठी (Aditya Kumar Tripathi) ही भूमिका साकारणाऱ्या गश्मीर महाजनीने (Gashmeer mahajani) या मालिकेला रामराम केला आहे. तो या मालिकेतून बाहेर पडत असल्याचा खुलासा स्वतः गश्मीरने केला आहे.शोमध्ये त्याचा अभिनय सुद्धा अत्यंत चांगला होता. चाहत्यांकडून त्याला भरभरून प्रतिसाद मिळत होता.
प्रसिद्ध पत्रकार, आदित्य त्रिपाठी सत्यमची मुलाखत घेण्यासाठी पगदंडियाला भेट देतात. इम्ली एक 18 वर्षांची तरुण मुलगी त्याला भेटते . वादळ रात्र त्यांना एकत्र राहण्यास भाग पाडते आणि गावकरी याचा चुकीचा अर्थ लावून त्यांना लग्नासाठी भाग पाडतात. आदित्य दिल्लीला परततो आणि इमली घरगुती नोकर म्हणून दाखल होते. आणि तिच्या विभक्त वडिलांना शोधण्याचा हेतूने प्रयत्न करत असते. तिच्या घरच्यांना तिचा स्वभाव आवडतो. दुसरीकडे, आदित्य आपल्या मंगेतर मालिनीला सक्तीच्या लग्नाबद्दल सत्य सांगण्याचा प्रयत्न करतो. मालिनी इम्लीचे कौतुक करते आणि तिला आयुष्यात पुढे जाण्यासाठी प्रेरित करते.
शो सध्या वेगळ्या वळणावर येऊन पोहचला आहे. या मालिकेच्या कथानकात सध्या अनेक प्रकारचे कट रचले जात आहेत. इमली आणि आदित्यच्या प्रेमावर मालिनीची अगोदरच वाकडी नजर होती. त्यातच आता त्यांच्यामध्ये सत्यकामची सुद्धा खलनायक (villain) म्हणून एंट्री झाली आहे. त्यामुळे पुढे काय होईल अशी उत्सुकता प्रेक्षकांना निर्माण झाली आहे.
