Deepika Padukone, Ranveer Singh Reveals Baby Girl Name: लक्ष्मीपूजनाच्या शुभ मुहुर्तावर केले लेकीचे नाव जाहीर, दीपिका आणि रणवीरच्या "दुआ" ला मंजुरी
बॉलिवूडचे लोकप्रिय कपल दीपिका पादुकोण आणि रणवीर सिंह यांनी अखेर गोड बातमी दिली आहे. दीपिका पादुकोणनने एका मुलीला जन्म दिला. गेले कित्येक महिने चाहते त्यांच्या बाळाची वाट पाहत होते. आता दीपिका रणवीर आई- बाबा झाले आहेत. 8 सप्टेंबर 2024 रोजी दीपवीर आईवडील झाले. दीपिका आणि रणवीर यांना कन्यारत्न झालं आहे. चाहत्यांनी त्यांच्यावर शुभेच्छांचा वर्षाव केला. गणेश चतुर्थीच्या मुहूर्तावर त्यांच्या बाळाचा जन्म झाल्याने चाहते प्रचंड खुश झाले.
दीपिका आणि रणवीर यांना झालेल्या मुलीचं नाव त्यांनी लक्ष्मीपूजनाच्या शुभ मुहुर्तावर सोशल मीडियाद्वारे जाहीर केले आहे. त्यांनी मुलीचे नाव दुआ असे ठेवले आहे तर मुलीला लाल रंगाचे छान कपडे परिधान केले असून दुआच्या पायांचा फोटो सोशल मीडियावर पोस्ट केला आहे. तसेच कॅप्शनला तिने "दुआ पादुकोण सिंह" असे लिहले असून दुआचा अर्थ सांगितला आहे. "'दुआ' : म्हणजे प्रार्थना. कारण ती आमच्या प्रार्थनांचे उत्तर आहे. आमचे हृदय प्रेम आणि कृतज्ञतेने भरलेले आहे". असं कॅप्शन दिले आहे. तिच्या या पोस्टद्वारे दुआला अनेक चाहत्यांकडून आणि अभिनेत्यांकडून खुप खुप प्रेम आणि आशिर्वाद मिळत आहे.
