Body Shaming: 'या' अभिनेत्री झाल्या बॉडी शेमिंगच्या बळी
प्रत्येकजण आयुष्यात कधी ना कधी बॉडी शेमिंगचा शिकार झाले असणार. बॉडी शेमिंग फक्त मुलींनचीच होते असे नाही, कधी कधी मुलांनाही याचा सामना करावा लागतो. पण तुम्हाला माहित आहे का की फक्त सामान्य लोकच नाही तर बॉलिवूड स्टार्स देखील बॉडी शेमिंगचे शिकार होतात. हिंदी चित्रपटसृष्टीतही अनेक अभिनेत्री याच्या बळी ठरल्या आहेत. मात्र या सगळ्यांना मागे टाकत त्यांनी स्वत:ची वेगळी ओळख निर्माण केली आहे.
सोनाक्षी सिन्हा
सोनाक्षी सिन्हा तिच्या कर्वी फिगरमुळे अनेकदा बॉडी शेमिंगची शिकार झाली आहे. तीच्या डबल एक्सएल या चित्रपटाचा ट्रेलर नुकताच प्रदर्शित झाला आहे. या चित्रपटातही तीने बॉडी शेमिंगबद्दल बोलले आहे. डबल एक्स एलमध्ये अभिनेत्रीसोबत हुमा कुरेशी मुख्य भूमिकेत आहे.
ऐश्वर्या राय
मिस वर्ल्ड राहिलेली ऐश्वर्या राय बच्चन देखील बॉडी शेमिंगची शिकार झाली आहे. आई झाल्यानंतर ऐश्वर्याचे वजन वाढले होते. यामुळे तीला अनेकदा ट्रोलिंगला सामोरे जावे लागले. कान्स फिल्म फेस्टिव्हलमध्येही ती बॉडी शेमिंगची शिकार झाली आहे.
दीपिका पदुकोण
असे नाही की जर तुम्ही लठ्ठ असाल तर तुम्हाला बॉडी शेमिंगला सामोरे जावे लागते, कधी कधी बारीक लोकही याचा बळी पडतात. असेच काहीसे अभिनेत्री दीपिका पदुकोणसोबत घडले. एका मुलाखतीदरम्यान दीपिकाने सांगितले होते की, माझे पातळ शरीर पाहून लोक माझी चेष्टा करायचे आणि विचित्र सल्ले द्यायचे.
करीना कपूर
करीना कपूरही बॉडी शेमिंगची शिकार झाली आहे. मुलगा तैमूरला जन्म दिल्यानंतर जेव्हा करिनाचे वजन वाढले होते तेव्हा लोकांनी तिला सोशल मीडियावर प्रचंड ट्रोल केले होते. तिने तिच्या प्रेग्नेंसीनंतर रॅम्प वॉक केला होता, ज्यावर लोकांनी तिला तिच्या लठ्ठपणाबद्दल चांगलेच ट्रोल केले होते.
विद्या बालन
विद्या बालनही तिच्या लठ्ठपणामुळे अनेकदा ट्रोल झाली आहे. विद्या बालनने अनेकवेळा मुलाखतींमध्ये सांगितले आहे की, लोक तिला कपड्यांबाबत सल्ला देतात की जर तुम्ही खूप जाड असाल तर कोणते कपडे घालावेत.
