'अंगूरी भाभी' लग्नाच्या 19 वर्षांनंतर पतीपासून विभक्त झाली, म्हणाली काही नुकसान...
'भाभीजी घर पर है' मधील अंगूरी भाभी उर्फ शुभांगी अत्रे हिने लग्नाच्या 19 वर्षांनंतर पती पियुष पुरेसोबतचे नाते संपवले आहे. तिने याला एका मुलाखतीदरम्यान दुजोरा दिला असून लग्नाबद्दल तिची व्यथा मांडली आहे. शुभांगी अत्रे आणि पियुष मागील एक वर्षापासून वेगळे राहत होते. त्यांना एक मुलगी 18 वर्षाची मुलगी देखील आहे. दोघेही वेगळे झाले असतील, पण मुलीचे सहपालक आहेत.
शुभांगीने सांगितले की, आम्ही एक वर्ष एकत्र राहत नाही. पियुष आणि मी आमचे लग्न शेवटपर्यंत वाचवण्याचा खूप प्रयत्न केला. परस्पर आदर, विश्वास आणि मैत्री हा विवाहाचा पाया असतो. आमच्या वैवाहिक जीवनात अनेक समस्या होत्या. आम्हाला समजले की आमचे मतभेद सोडवू शकत नाही. त्यामुळे आम्ही एकमेकांना स्पेस देण्याचे ठरवले आणि आमच्या वैयक्तिक आयुष्यावर आणि करिअरवर लक्ष केंद्रित केले.
माझे कुटुंब हे माझे पहिले प्राधान्य होते आणि आमचे कुटुंब आमच्या सभोवताली असावे अशी आमची इच्छा आहे, परंतु काही नुकसान दुरुस्त केले जाऊ शकत नाही. इतक्या वर्षांचे नाते तुटले की त्याचा मानसिक आणि भावनिकदृष्ट्या तुमच्यावर परिणाम होतो. माझ्यावरही परिणाम झाला, परंतु आम्हाला हे पाऊल उचलावे लागले आणि मी ते मान्य करते. मानसिक स्थिरता सर्वात महत्वाची आहे, असे शुभांगीने सांगितले आहे.
