अजिंक्य देव यांचं छोट्या पडद्यावर दमदार कमबॅक, बाजीप्रभूची भूमिका साकारणार

स्टार प्रवाहवर स्वराज्यासाठी जीवाची बाजी लावणाऱ्या छत्रपती शिवाजी महाराजांच्या शिलेदारांची शौर्यगाथा या मालिकेच्या रुपात उलगडणार आहे. या मालिकेत सुप्रसिद्ध अभिनेते अजिंक्य देव बाजीप्रभू देशपांडे यांच्या व्यक्तिरेखा साकारणार आहेत. या भूमिकेसाठी अजिंक्यने फिटनेसवरती बरीच मेहनत घेतलेले दिसून येत आहे. याआधी प्रेमा तुझा रंग कसा या कार्यक्रमाच्या काही भागांचं त्यांनी सूत्रसंचालन केलं होतं. त्यामुळे पुन्हा एकदा स्टार प्रवाहसोबत या मालिकेच्या निमित्ताने काम करण्याचा योग आला आहे.