Ajay Devgan : काजोल अन् अजयबद्दलच्या काही गोष्टी उघड...

बॉलिवूडमध्ये एकेकाळी ॲक्शन (action) चित्रपटांसाठी सुप्रसिद्ध असलेला अभिनेता अजय देवगण (Ajay Devgan) आजही असंख्य प्रेक्षकांच्या मनात आपल्या दमदार अभिनयाची छटा उमटवत आहे . 2 एप्रिल 1969 रोजी जन्मलेल्या अजयने बॉलिवूडची डस्की ब्युटी काजोल (Kajol) हिच्यासोबत लग्न करत 24 फेब्रुवारी 1999 रोजी दोघांनी सात फेरे घेतले. पण त्यांना एकमेकांना भेटणं फार कठीण जायचं. एक काळ असा होता की दोघेही दुसऱ्यासोबत रिलेशनशिपमध्ये होते. एका मुलाखतीत काजोलने सांगितले होते की अजयसोबत तिचा पहिला लघुपट (हस्टल) देताना तिला जाणवले की हा माणूस तिच्या आयुष्यात खूप महत्त्वाची भूमिका बजावेल. दोघेही आपला वेळ मित्रांप्रमाणे एकत्र घालवायचे.

त्या वेळी काजोल अजयकडून तिच्या नात्याबद्दल आणि लव्ह-लाइफबद्दल सल्ला घ्यायची आणि अजय हा 'बाबा जी' प्रमाणे तिला टिप्स द्यायचा. 'हस्टल'च्या शूटिंगदरम्यान दोघांची पहिली भेट झाली होती. काजोल जेव्हा प्रथमच अजयला भेटली तेव्हा तिच्या लक्षात आले की अजयला एका बाजूला एकटे बसणे कदाचित आवडत असेल. ती त्याला फारसं बोललीही नाही. तेव्हा काजोलला वाटायचं की तो बोलत नाही इतका शांत कसा असू शकतो. पण हळूहळू तो काजोलशी बोलू लागला आणि त्यांची मैत्री झाली. या चित्रपटानंतर दोघांनी अनेक चित्रपट एकत्र केले 'इश्क', 'प्यार तो होना ही था', 'दिल क्या करे', 'राजू चाचा' आणि 'यू मी और हम' यांसारखे हिट देखील ठरले. कालांतराने अजय आणि काजोलचे प्रेम फुलले आणि अखेरीस दोघांनी 1999 मध्ये लग्न केले. देवगण हाऊसमध्ये पारंपारिक महाराष्ट्रीयन पद्धतीने हे लग्न पार पडले. ही जोडी गेल्या 17 वर्षांपासून रिलेशनशिपमध्ये आहे. दोघेही मुलगी न्यासा आणि मुलगा युग यांचे पालक आहेत.