“भुज- द प्राईड ऑफ इंडिया” चित्रपटाचा दुसरा ट्रेलर प्रदर्शित
बॉलिवूड अभिनेता अजय देवगणच्या 'भुज- द प्राईड ऑफ इंडिया' या बहुचर्चित चित्रपटाचा दुसरा ट्रेलर प्रदर्शित करण्यात आला आहे. अवघ्या काही मिनिटांमध्ये हा ट्रेलर मोठ्या प्रमाणात शेअर केला गेला आहे. चित्रपटाचा पहिला ट्रेलर काही दिवसांपूर्वीच प्रदर्शित झाला असून त्याचवेळी या चित्रपटाची चर्चा सुरू झाली होती.
'भुज-द प्राइड ऑफ इंडिया' या चित्रपटात भारतीय हवाई दलातील शूर अधिकारी विजय कर्णिक यांची कहाणी दाखवण्यात येणार आहे. हा चित्रपटात भारत-पाक युद्धातल्या सत्य घटनांवर आधारित आहे. पाकिस्तानने भूजवर हल्ला केला होता. त्यावेळी विजय कर्णिक हे भुजच्या हवाई तळाचे प्रमुख होते.
सगळ्यात जास्त चर्चा ही अजयच्या एका डायलॉगची होतं आहे. "हम उस महान छत्रपती शिवाजी की औलाद हैं, जिन्होंने मुगलों को घुटनों पर ला दिया था और अपने खून से हिंदुस्तान का इतिहास लिखा था" हा डायलॉग प्रेक्षकांच्या टाळ्या मिळवणार हे नक्कीच.
स्वातंत्र्यदिनापुर्वी म्हणजेच हा चित्रपट १३ ऑगस्टला प्रदर्शित होणार आहे. या चित्रपटात अजय देवगण सोबत सोनाक्षी सिन्हा, संजय दत्त आणि नोरा फतेही मुख्य भूमिकेत दिसणार आहे.
