ड्रग्स प्रकरणात अभिनेता अरमान कोहली याला 14 दिवसांची न्यायालयीन कोठडी

अभिनेता अरमान कोहली याला मुंबईतील न्यायालयाने 14 दिवसांची न्यायालयीन कोठडी सुनावली आहे. अरमान कोहली याच्या मुंबईतील घरात ड्रग्ज जप्त केल्यानंतर NCB ने त्याला अटक केली होती. (Actor Arman Kohli has been remanded in judicial custody for 14 days in a drug case) अभिनेता सुशांत सिंह राजपूत याच्या आत्महत्येनंतर बॉलिवूडमधील ड्रग्ज प्रकरणातील धाडीचं सत्र सुरू झालं आहे. आतापर्यंत बॉलिवूडमधील अनेक प्रसिद्ध अभिनेते आणि अभिनेत्रींची ड्रग्ज प्रकरणात चौकशी करण्यात आली आहे. अरमान कोहली याला मुंबई न्यायालयाने तब्बल 14 दिवसांची कोठडी सुनावली आहे. नार्कोटिक्स कंट्रोल ब्यूरोच्या (NCB) टीमने शनिवार सकाळी एका ड्रग पेडलरला अटक केली होती.

नक्की काय आहे प्रकरण
या पेडरलचे बॉलिवूडमधील अनेक कलाकारांशी संबंध असल्याचं समोर आलं आहे. गुप्त सूचनेच्या आधारावर एनसीबीने बॉलीवुड अभिनेता अरमान कोहली याच्या घरावर छापेमारी करण्यात आली. झोनल डायरेक्टर समीर वानखेड़े यांच्या मार्गदर्शनाखाली ही छापेमारी करण्यात आली. ड्रग पेडलरसोबत संबंध असल्याचं वृत्त समोर आल्यानंतर अरमान कोहलीच्या घरावर छापेमारी करण्यात आली. (NCB raid on Bollywood actor Arman Kohlis house Action after investigation of drug peddler ) त्याच्या घरात ड्रग्ज सापडल्यानंतर एनसीबीने आपली कारवाई अधिक कडक केली आहे.