मेहुल चोक्सीला जामीन मंजूर

पंजाब नॅशनल बँकेत गैरव्यवहार प्रकरणी परदेशात पळून गेलेल्या उद्योगपती मेहुल चोक्सीला डोमिनिका कोर्टाकडून जामीन मिळाला आहे. प्रकृतीच्या कारणामुळे त्याला जामीन मंजूर झाला आहे.

पंजाब नॅशनल बँक घोटाळ्यातील आरोपी मेहुल चोक्सी याला डोमिनिकातून भारतात आणण्यासाठी विविध यंत्रणांचे पथक तिथे गेले होते. मात्र जवळपास एका आठवड्याच्या प्रतीक्षेनंतर चोक्सी याला न घेताच परतले होते. आता कोर्टात ऑनलाइन सुनावणीवेळी मेहुल चोक्सी रुग्णालयातील बेडवर झोपलेल्या अवस्थेत हजर झाला होता. यावेळी कोर्टानं उपचारासाठी अँटिग्वाला जाण्याची परवानगी दिली आहे.मेहुलवर सध्या डोमिनिकाच्या एका रुग्णालयात उपचार सुरु आहेत.