यंदाच्या दिवाळीत बाजारातील तयार फराळाला अधिक मागणी
यंदा दिवाळीमध्ये बाजारातील फराळाची मागणी अधिक वाढू लागली आहे. घरात फराळ बनवण्यापेक्षा नागरिकांनी तयार फराळाला पसंती दर्शवली आहे.
खाद्यतेलांचे भाव प्रचंड वाढले असून अन्य वस्तूंच्या किमतीतही मोठी वाढ झाल्याने यंदा दिवाळीचा तयार फराळही महागला आहे. त्यामुळे घरगुती फराळ कमी झाला असून तयार फराळ विकत घेण्यासाठी मागणी वाढली आहे साताऱ्यात यासाठी तयार फराळ करण्याची लगबग सुरू झाली आहे.
दिवाळीचा फराळ तयार करण्यासाठी लागणाऱ्या डाळ, तेल, साखर, सुकामेवा आदींच्याही किमती वाढल्यामुळे तयार फराळाच्या दरामध्येही 20 टक्क्यांनी वाढ झाली आहे. या वाढीचा भार आता ग्राहकांच्या खिशाला बसल्याने महिलावर्गाकडून तयार फराळ घेतला जात आहे.
यंदाचे फराळाचे दर पाहुयात-
भाजणी चकली : 400 रुपये प्रतिकिलो
तिखट शेव : 380 रुपये प्रतिकिलो
बेसन लाडू: 600 ते 750 रुपये प्रतिकिलो
रवा लाडू: 600 रुपये प्रतिकिलो
करंजी (रवा सारण): 700 रुपये प्रतिकिलो
करंजी बेसन सारण) : 750 रुपये प्रतिकिलो
शंकरपाळे : 450 रुपये प्रतिकिलो
काही ठिकाणी लाडू, करंजी हे नगावर मिळत असून एक नग 25 ते 30 रुपयाला आहेत.