वर्षच नाहीतर 1 जानेवारीपासून बदलणार देशात अनेक नियम; आजच पूर्ण करा 'ही' कामं
New Year 2024 : 1 जानेवारी 2024 पासून केवळ वर्ष आणि कॅलेंडरच बदलणार नाही तर देशात असे अनेक बदल होणार आहेत, ज्याचा परिणाम सर्वसामान्यांच्या जीवनावर होणार आहे. उद्यापासून म्हणजेच १ जानेवारी २०२४ पासून आयटीआर अपडेट, सिम कार्ड आणि बँक लॉकरशी संबंधित नियमांमध्ये बदल होणार आहेत. 1 जानेवारीपासून होणारे नवीन बदल पाहता, लोकांना त्यांची सर्व महत्त्वाची कामे आज म्हणजेच 31 डिसेंबर 2023 पर्यंत पूर्ण करावी लागतील. चला तर मग जाणून घेऊया...
आयटीआर दाखल करण्याचे नियम:
आयटीआर भरण्याची शेवटची तारीख म्हणजे 2022-23 आर्थिक वर्षासाठी दंडासह उत्पन्न रिटर्न 31 डिसेंबर 2023 आहे. जर तुम्ही निर्धारित मर्यादेपूर्वी हे केले नाही तर तुमच्यावरही कारवाई होऊ शकते. एवढेच नाही तर उशीरा आयटीआर फाइल करणाऱ्यांवर ५ हजार रुपयांचा दंडही होऊ शकतो. मात्र, ज्यांचे एकूण उत्पन्न 5 लाख रुपयांपेक्षा कमी आहे, त्यांना फक्त 1000 रुपये दंड भरावा लागेल.
आधार अपडेटबाबत नियम:
कोणत्याही अतिरिक्त शुल्काशिवाय आधार ऑनलाइन अपडेट करण्याची शेवटची तारीख ३१ डिसेंबर २०२३ आहे. जर तुम्ही या तारखेपर्यंत आधार अपडेट करू शकत नसाल तर 1 जानेवारी 2024 पासून तुम्हाला दस्तऐवजातील कोणत्याही बदलासाठी 50 रुपये द्यावे लागतील.
बँक लॉकरशी संबंधित नियम:
आरबीआयनुसार, बँकांमध्ये लॉकर असलेल्या ग्राहकांना आता 31 तारखेपर्यंत सुधारित बँक लॉकर करारावर स्वाक्षरी करून ठेव मिळवण्याचा पर्याय आहे. नवीन नियमानुसार, जर त्यांनी या मुदतीपर्यंत तसे केले नाही तर त्यांचे बँक लॉकर 1 जानेवारी 2024 पासून गोठवले जाईल.
सिमकार्डशी संबंधित नियमः
१ जानेवारी २०२४ पासून सिमकार्ड खरेदी आणि ठेवण्याच्या नियमांमध्ये मोठा बदल होणार आहे. आता नवीन वर्षात ग्राहकांना सिमकार्ड खरेदी करताना केवायसी सादर करावे लागणार आहे. सिम कार्ड मिळवताना, तुम्हाला बायोमेट्रिक्सद्वारे तुमच्या तपशीलांची पुष्टी करावी लागेल.
डीमॅट खात्याशी संबंधित नियम:
SEBI म्हणजेच भारतीय नियामक सिक्युरिटीज बोर्डाने डीमॅट खात्यात नामांकन जोडण्याची अंतिम तारीख 31 डिसेंबर 2023 निश्चित केली आहे. अशा परिस्थितीत, ज्या खातेदारांनी नॉमिनी जोडले नाहीत त्यांचे डिमॅट खाते १ जानेवारी २०२४ पासून गोठवले जाऊ शकते.
एलपीजी सिलिंडरचे दर:
दर महिन्याप्रमाणे, एलपीजीचे दर साधारणपणे प्रत्येक महिन्याच्या 1 तारखेला बदलतात. नववर्षाच्या निमित्ताने सर्वसामान्यांना दिलासा मिळणार की महागाईच्या झळा सोसाव्या लागणार हे उद्या कळेल.
