E-Mail Marketing : ई-मेल मार्केटिंगमध्ये मिळताहेत नोकरीच्या संधी; कसे कराल करिअर? जाणून घ्या
E-Mail Marketing : एका वेबसाइटच्या सर्वेक्षणानुसार, ई-मेल मार्केटिंग हे अजूनही सर्व प्रकारच्या व्यवसायांसाठी सर्वात प्रभावी माध्यमांपैकी एक आहे. 2023 मध्ये जगभरातील ई-मेल मार्केटींगचा महसूल 11 अब्ज डॉलरपर्यंत पोहोचू शकतो. कारण 2023 मध्ये दररोज 347.3 अब्ज ई-मेल पाठवले आणि प्राप्त होत आहेत. हे 2022 च्या तुलनेत 4.3 टक्क्यांनी जास्त आहे. 2024 पर्यंत, हा आकडा दररोज 361.6 अब्ज ई-मेल असू शकतो. त्यामुळे जर तुम्हाला ईमेल मार्केटिंग माहित असेल तर तुम्हाला ही करिअर करण्याची उत्तम संधी आहे. कंपन्या दररोज ईमेल मार्केटर्स शोधत असतात.
ई-मेल मार्केटर बनण्यासाठी 'या' गोष्टी आहेत आवश्यक
ई-मेल मार्केटिंग प्लॅटफॉर्मचे ज्ञान : तुम्हाला लोकप्रिय ई-मेल मार्केटिंग प्लॅटफॉर्म जसे की Mailchimp, Constant Contact किंवा Sendinblue ची माहिती असणे आवश्यक आहे. प्लॅटफॉर्मवर नेव्हिगेट कसे करायचे, ई-मेल मोहीम कशी तयार करायची, प्रेक्षक वर्ग कसे करायचे आणि कार्यप्रदर्शन मेट्रिक्सचे विश्लेषण कसे करायचे हे समजून घेतले पाहिजे.
कंटेंट क्रिएशन : तुम्हाला यशस्वी ई-मेल मार्केटिंग करायचे असेल, तर तुम्हाला विविध प्रेक्षक वर्ग लक्षात घेऊन कंटेंट तयार करायला शिकावे लागेल.
न्यूजलेटर : तुम्हाला कंपनीच्या ग्राहकांशी संपर्क साधण्यासाठी दर आठवड्याला एक न्यूजलेटर तयार करून पाठवावे लागेल. हे लोकांना तुमच्या कंपनीशी अधिक चांगल्या प्रकारे जोडतील.
डेटा विश्लेषण : ई-मेल मार्केटिंगमधील कामगिरीवर नेहमी लक्ष ठेवण्याची गरज असते. कारण जर CTR दर कमी असेल तर कंटेंटमध्ये किंवा तुमचा ई-मेल पाठवताना काही त्रुटी असू शकतात. त्यामुळे लोकांनी दिलेली उत्तरे, उपस्थित केलेल्या शंका आणि पाठवलेल्या ई-मेलच्या आधारे तुम्हाला नवीन डेटा तयार करावा लागेल. जेणेकरून विश्लेषण करताना कंपनी भविष्यात त्यांना ई-मेल पाठवू शकेल.
सेगमेंटेशन : प्रत्येक कंपनीचा स्वतःचा टार्गेट सेगमेंट असतो. ज्याच्या आधारे ती लोकांची ई-मेल लिस्ट तयार करते. ही यादी वेगवेगळ्या वयोगटातील, स्त्री-पुरुष इत्यादींनुसार विभागणे महत्त्वाचे आहे. अनेक वेळा कंपन्या सणासुदीच्या ऑफर्स किंवा वीकेंड सेलमध्ये विशिष्ट वयोगटांना लक्ष्य करतात.
ई-मेल नियमांचे पालन : अनुपालन सुनिश्चित करण्यासाठी आणि सकारात्मक प्रतिष्ठा राखण्यासाठी GDPR आणि CAN-SPAM कायदे माहित असणे आवश्यक आहे.
पगार किती मिळतो?
भारतातील ई-मेल मार्केटिंग प्रशिक्षणार्थीला दरमहा 15-20 हजार रुपये पगार मिळतो. दुसरीकडे, ई-मेल मार्केटिंग मॅनेजरला दरमहा 40,000 रुपयांपर्यंत पगार मिळतो.
