सातारा जिल्हा परिषदेत आजपासून 972 पदांसाठी जम्बो भरती

प्रशांत जगताप, सातारा

सातारा जिल्हा निवड समितीमार्फत जिल्हा परिषदेकडे 21 संवर्गातील 972 पदांच्या भरतीबाबत पात्र उमेदवाराकडून अर्ज मागविण्यात येत असून त्यासाठीची परीक्षा पारदर्शक पद्धतीने घेतली जाणार असल्याची माहिती सातारा जिल्हाधिकारी जितेंद्र डुडी यांनी दिली आहे.

या परीक्षेबाबत शैक्षणिक अहर्ता, वयोमर्यादा, वेतनश्रेणी, परीक्षा शुल्क, ऑनलाईन अर्ज करण्याची पद्धत, अर्ज करण्याची मुदत आणि इतर आवश्यक अटी आणि शर्ती याबाबत माहिती जिल्हा परिषदेच्या www.zpsatara.gov.in संकेतस्थळावर देण्यात आली आहे..

ऑनलाइन परीक्षा शुल्क भरण्याची अंतिम मुदत 25 ऑगस्ट असून परीक्षेपूर्वी सात दिवस अगोदर उमेदवारांना ऑनलाईन प्रवेश पत्र उपलब्ध करून देण्यात येणार आहेत.