Shweta Shigvan-Kavankar
दाक्षिणात्य चित्रपटसृष्टीतील दिग्गज निर्माते रवींद्र चंद्रशेखरन यांनी साऊथ इंडस्ट्रीतील लोकप्रिय अभिनेत्री व्हीजे महालक्ष्मीसोबत विवाहबंधनात अडकले आहेत.
रवी आणि महालक्ष्मी यांच्या लग्नात कुटुंबीयांसह काही मित्र आणि नातेवाईक उपस्थित होते.
दक्षिणेतील पारंपारिक पद्धतीने रवी आणि महालक्ष्मी यांचा विवाह पार पडला.
महालक्ष्मीने इंस्टाग्रामवर लग्नाचे फोटो शेअर केले आहेत. हे फोटो आता सोशल मीडियावर व्हायरल होत आहेत
या फोटोच्या कॅप्शनमध्ये महालक्ष्मीने लिहिले की, मी खूप भाग्यवान आहे की तू माझ्या आयुष्याचा एक भाग बनला आहेस. तुझ्या प्रेमाने माझ्या आयुष्यात वेगळाच रंग भरला आहे. माझ्याकडून तुम्हाला खूप खूप प्रेम आणि नवीन आयुष्याची सुरुवात, असे तिने म्हंटले आहे.
आयुष्याच्या या नव्या सुरुवातीसाठी चाहते महालक्ष्मी आणि रवी यांना शुभेच्छा देत आहेत.
रवींद्र चंद्रशेखरन हे दक्षिणात्य सिनेमाचे दिग्गज दिग्दर्शक आणि निर्माता आहेत. ते 2013 पासून दक्षिण चित्रपटसृष्टीत सक्रिय आहे.
तर, महालक्ष्मी व्हिडीओ जॉकी व प्रसिद्ध टीव्ही सीरियल अभिनेत्री आहे.