shamal ghanekar
विधिमंडळ अधिवेशनात शिंदे गटाचे खासदार राहुल शेवाळे यांनी अभिनेता सुशांत सिंग राजपूत प्रकरणावरून आदित्य ठाकरे यांच्यावर गंभीर आरोप केले आहे.
राहुल शेवाळे म्हणाले की, “सुशांतची गर्लफ्रेंड रिया चक्रवर्तीच्या फोनवर AU नावाने एक नंबर सेव्ह आहे. तो नंबर AU म्हणजे आदित्य उद्धव ठाकरे यांचा आहे, असा गंभीर आरोप त्यांनी केला आहे.
यानंतर रिया चक्रवर्तीचा एक जुना व्हिडीओ समोर आला आहे.
हा जुना व्हिडीओ ठाकरे गटाच्या माजी नगरसेविका संजना घाडी यांनी ट्विट केला आहे. या व्हिडीओमध्ये स्वत: रिया चक्रवर्तीने AU नाव कुणाचे आहे ते सांगितले आहे.
या व्हिडीओमध्ये स्वत: रिया चक्रवर्तीने सांगितले की, माझ्या एका मैत्रिणीचे नाव अनाया उदास आहे, आणि मी तिचा नंबर AU नावाने सेव्ह केला आहे.
तसेच मी याआधी आदित्य ठाकरे यांना भेटले नाही, असेही रिया चक्रवर्तीने या व्हिडीओमध्ये म्हटलं आहे.
पुढे या व्हिडिओमध्ये म्हणाली की, हा AU नावाने नंबर सेव्ह केला आहे तो आदित्य ठाकरे यांचा नसून तो माझ्या मैत्रिणीचा आहे.