shweta walge
'बिग बॉस 15' (Big Boss 15) ची विजेती आणि 'नागिन 6' ची मुख्य अभिनेत्री तेजस्वी प्रकाश (Tejaswi Prakash) आज तिचा 29 वा वाढदिवस साजरा करत आहे. तेजस्वी आपला वाढदिवस कुटुंबासोबत नाही तर बॉयफ्रेंड करण कुंद्रासोबत (Karan Kundra) गोव्यात साजरा करत आहे.
तेजस्वी प्रकाशचा जन्म 10 जून 1998 रोजी सौदी अरेबियातील (Saudi Arabia) जेद्दाह शहरात झाला. तेजस्वीचे पूर्ण नाव तेजस्वी प्रकाश वायंगणकर आहे. ती एका संगीत कुटुंबातील आहे. तेजस्वीचे वडील प्रकाश वायंगणकर हे एक उत्तम गायक असून ते दुबईत काम करतात.
तेजस्वीचा जन्म जेद्दाहमध्ये झाला असला तरी ती लहानाचा मोठं मराठी भाषिक कुटुंबात झाली. त्यामुळेच तीला शास्त्रीय संगीताची आवड आहे आणि तीने सुमारे चार वर्षे भारतीय शास्त्रीय संगीताचे (Classical music) प्रशिक्षणही घेतले. तेजस्वी ही एक उत्तम नृत्यांगना देखील आहे .
तेजस्वी प्रकाश ही टीव्ही जगतातील सर्वात शिक्षित अभिनेत्रींपैकी एक आहे. प्राथमिक शिक्षण पूर्ण केल्यानंतर तीने मुंबई विद्यापीठातून इलेक्ट्रॉनिक्स एंड टेलीकम्युनिकेशनमध्ये (Electronics and Telecommunication) इंजीनियरिंगचे (Engineering) शिक्षण घेतले. अभ्यासादरम्यान तिने अनेक ब्यूटी कॉन्टेस्टमध्ये (Beauty Contest) भाग घ्यायला सुरुवात केली.
तेजस्वी प्रकाश अभिनेत्री होण्यापूर्वी इंजिनियर (Engineer) होती. मात्र, एका प्रोजेक्टवर काम करत असताना वृत्तपत्रांवर तीची फोटो येताच तीचे आयुष्य बदलून गेले. मीडिया रिपोर्ट्सनुसार, 'मुंबई फ्रेश फेस' (Mumbai Fresh Face) स्पर्धा जिंकल्यानंतर एका प्रोडक्शन हाऊसने टीव्ही शोसाठी तिच्याशी संपर्क साधला. यानंतर तेजस्वी प्रकाशने इंजिनीअरिंगचा व्यवसाय सोडून अभिनयाच्या दुनियेत प्रवेश केला.
तेजस्वीने 2012 मध्ये लाइफ ओकेच्या '2612' या मालिकेतून आपल्या टीव्ही करिअरची सुरुवात केली. यानंतर ती 'संस्कार-धरोहर अपना की', 'पहरेदार पिया की' आणि 'रिश्ता लिखेंगे हम नया' सारख्या सुपरहिट मालिकांमध्ये दिसली. 2015 मध्ये आलेल्या 'स्वरागिनी' या मालिकेतून तिला खरी ओळख मिळाली. यामध्ये तिने रागिणीची भूमिका साकारली होती.
'स्वरागिनी' नंतर, 2018 मध्ये ती 'कर्ण संगिनी' आणि 'सिलसिला बदलते रिश्तों का' मध्ये देखील दिसली. ती टीव्हीच्या फियर फॅक्टर 'खतरों के खिलाडी सीजन-10' मध्ये दिसली आहे. यानंतर ती 'बिग बॉस 15' ची विजेती ठरली आणि सर्वांच्या मनात घर करून गेली. तेजस्वी प्रकाश 'सुन जरा', 'ए मेरे दिल', 'फकिरा', 'दुआ है आणि मेरा पहला प्यार' सारख्या म्युझिक अल्बममध्येही दिसली आहे.
एकता कपूरच्या (Ekta Kapoor) प्रसिद्ध टीव्ही शो 'नागिन 6' मुळे आजकाल तेजस्वी प्रकाश प्रेक्षकांच्या मनात घर करत आहे. याशिवाय तेजस्वी अभिनेता करण कुंद्रासोबतच्या तिच्या लव्ह लाईफमुळे (Love Life) चर्चेत असते. लोकांना त्यांची जोडी खूप आवडते.