shamal ghanekar
दरवर्षीप्रमाणे यंदाही मिस इंडिया स्पर्धा अतिशय चुरशीची होती. यंदा मुंबईतील जिओ वर्ल्ड कन्व्हेन्शन सेंटरमध्ये 'मिस इंडिया 2022' ची अंतिम फेरी पार पडली. या कार्यक्रमात सर्व स्पर्धकांनी आपल्या शैलीने प्रेक्षकांची मने जिंकली आहेत.
यंदाच्या वर्षी देशाला मिस इंडिया मिळाली आहे. कर्नाटकच्या सिनी शेट्टीनं (Sini Shetty) मिस इंडिया 2022 (Miss India 2022) चा किताब जिंकला आहे.
3 जुलै रोजी मुंबईत पार पडलेल्या मिस इंडिया 2022 च्या अंतिम फेरीत 31 फायनलिस्टवर मात देत सिनीनं 'मिस इंडिया 2022'चा मुकूट आपल्या नावे केला आहे.
'मिस इंडिया 2022'च्या ग्रँड फिनालेमध्ये तिघीही स्पर्धक खूप सुंदर दिसत होत्या.
यावेळी परिक्षकांच्या पॅनेलमध्ये अभिनेती मलायका अरोरा, नेहा धुपिया, दिनो मोरिया, राहुल खन्ना, रोहित गांधी आणि शामक डाबर यांचा समावेश होता. तसेच या कार्यक्रमामध्ये अनेक सेलेब्रिटींनी हजेरी लावली होती.
'मिस इंडिया 2022'चा किताब जिंकणारी सिनी ही 21 वर्षांची आहे. सिनी सध्या चार्टर्ड फायनान्स अ‍ॅनालिस्टचा (Chartered Financial Analyst) कोर्स करत आहे.
लहानपणापासूनच सिनीला डान्सची खूप आवड आहे, सिनीने वयाच्या चौथ्या वर्षापासून भरतनाट्यम शिकायला सुरुवात केली होती.