थोडक्यात...

लोकसभेतील विरोधी पक्षनेते राहुल गांधी नागपुरातून महाराष्ट्र विधानसभा निवडणुकीचे रणशिंग फुंकणार

प्रचाराची सुरुवात राहुल गांधी नागपूरमधून करणार

नागपुरात आयोजित संविधान सन्मान संमेलनात सहभागी होणार

विधानसभा निवडणुकीसाठी सर्व राजकीय पक्ष जोरदार तयारीला लागले आहेत. निवडणुकांचे बिगुल वाजलं आहे. निवडणूक आयोगाने पत्रकार परिषद घेत निवडणुकांच्या तारखा जाहीर केल्या.

20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार असून राजकीय पक्ष अनेक बैठका, पत्रकार परिषद घेत आहेत.

याच पार्श्वभूमीवर आता लोकसभेतील विरोधी पक्षनेते राहुल गांधी नागपुरातून महाराष्ट्र विधानसभा निवडणुकीचे रणशिंग फुंकणार आहेत. गांधी नागपूरमधून प्रचाराची सुरुवात करणार आहेत.

6 नोव्हेंबरला राहुल गांधी नागपुरात आयोजित संविधान सन्मान संमेलनात सहभागी होणार असून काँग्रेसचे राष्ट्रीय अध्यक्ष मल्लिकार्जुन खरगे आणि राहुल गांधी हे 6 नोव्हेंबरला महाराष्ट्राच्या दौऱ्यावर येणार आहेत.