विधानसभा निवडणुकीच्या 288 जागांसाठी बुधवारी मतदान पार पडले. आज मतमोजणी होणार असून चित्र स्पष्ट होणार आहे. सकाळी ८ वाजता मतमोजणीला सुरुवात होणार असून प्रत्येक मतदार संघात मतमोजणी केंद्र तयार करण्यात आली आहेत.

निवडणूक यंत्रणा सज्ज झाल्याचे पाहायला मिळत आहे. त्यामुळे आता निकाल काय लागणार? कोणाची सत्ता येणार याकडे सर्वांचे लक्ष लागले आहे. 20 नोव्हेंबरला मतदान झालं आणि आज 23 नोव्हेंबरला मतमोजणी करण्यात येणार असून निकाल लागणार आहे.

काही मतदारसंघात दिग्गज नेत्यांची प्रतिष्ठा पणाला लागली असून चुरशीची लढत पाहायला मिळते आहे. त्यामुळे आता विधानसभा निवडणुकीचा निकाल काय लागतो. महायुती की महाविकास आघाडी कोण बाजी मारणार हे पाहणं महत्वाचे ठरणार असून याकडे सर्वांचं लक्ष लागलं आहे.