विधानसभा निवडणुकीच्या पार्श्वभूमीवर सर्वच राजकीय पक्षांकडून प्रचार सभा सुरु आहेत. यातच आज अमरावतीमध्ये शिवसेना आणि महाविकास आघाडीच्या उमेदवारासाठी उद्धव ठाकरे यांनी प्रचार सभा घेतली. यावेळी त्यांनी महायुती सरकारवर जोरदार टीकास्त्र सोडले. "बटेंगे तो कटेंगे नाही तर महाराष्ट्र को लुटेंगे", अस म्हणत उद्धव ठाकरे यांनी जोरदार भाषण केलं आहे.
ते म्हणाले, लोकसभेला आपण दाखवून दिलं, पण हे आव्हान संपल नाही. माजलेल्या सत्ताधाऱ्यांच्या बुडाखली ठिणगी पेटली आहे. यांच्या डोक्यात सत्ता गेली. हे फुग्यात गेले आहे. इथले खासदार कोणत्या मस्तीत होते त्यांना तुम्ही हरवल अस म्हणत त्यांनी नवनीत राणा यांच्यावर टीका केली.
'सगळे तीन भाऊ, देवा भाऊ,दाढी भाऊ,जॅकेट भाऊ, सगळे मिळून महाराष्ट्र खाऊ' अस म्हणत त्यांनी देवेंद्र फडणवीस, अजित पवार, एकनाथ शिंदे यांच्यावर टीका केली नाही.